garagarra

2011-11-27T01:57:00.001+01:00

1 saveLotako ipuiehttp://www.ikasbil.net/jetspeed/portal/media-type/html/langu...

Ipuin hau bi eratan daukazu, idatziz eta ahoz (ahoz lehen bost paragrafoak bakarrik). Lehenik, nahi baduzu, entzun; ondoren, irakurri idatzia, baina ahots gora (ahal baduzu, beste lagunen batekin egin: batek irakurri eta besteak entzun; eta, gero, alderantziz). Saiatu ipuina ulertzen. Agian, zail egingo zaizu, goierritarrek hitz egiten duten bezala dagoelako idatzita.Ondoren, euskara batuan idatzi lehen paragrafoak. Gehiegizko lana irudituz gero, lehen bi paragrafoetara mugatu.Bukaeran, konta iezaiozu ipuin hau norbaiti, nahi duzun bezala; hau da, batuan edota zure inguruko euskalkian.No image available.1 saveMateoren hortz luzeahttp://www.ikasbil.net/jetspeed/portal/media-type/html/langu...Dentistarengana joatea inoiz ez da huskeria izan. Erne ibili hortzak luzatzen bazaizkizue...Hortz bat atera didate joan den astean, sudur parean gora begira daudenetako bat. Hutsa dirudi, eta arrazoia eman beharko litzaieke blogarion kritiko pipertuei, diotenean huskeriaz betetako egunerokoak besterik ez direla gure blogak. Arrazoia, baldin-eta ez balego huskeria honen atzean Mateoren historia.1. ataza: Mateoren hortza.Denborazko esapideak atera ditugu testutik, zuk hutsune horiek egoki bete ditzazun.2. ataza: Mateoren hortza (2)Irakurri testua, eta, ondoren, aukeratu erantzun egokia.No image available.1 saveMateoren hortza (2)http://www.ikasbil.net/jetspeed/portal/media-type/html/langu...Irakurri testua, eta, ondoren, aukeratu erantzun egokia.No image available.1 saveMateoren hortzahttp://www.ikasbil.net/jetspeed/portal/media-type/html/langu...Denborazko esapideak atera ditugu testutik, zuk hutsune horiek egoki bete ditzazun.No image available.1 saveZazpi duro eta txaketahttp://www.ikasbil.net/jetspeed/portal/media-type/html/langu...Nikolas Zendoiaren oroitzapen batzuk ditugu ariketaren oinarri. Lehenik, irakurri eta saiatu ulertzen. Gipuzkeraz idatzita dagoenez, nahikoa arraroa egingo zaizue hatxerik gabe irakurtzea, adibidez. Horregatik, ariketa honetan aukera ezazu euskara batuaren forma egokia.No image available.1 saveIpuina: Autora itzuli eta amona faltahttp://www.ikasbil.net/jetspeed/portal/media-type/html/langu...Irakurri duzun ipuinean, hainbat hitz azpimarratu ditugu. Ezagutzen al duzu horien esanahia?

2011-11-27T01:56:00.001+01:00

6 links

1
Lotako ipuie
http://www.ikasbil.net/jetspeed/portal/media-type/html/language/eu/cou...
2
- share
Mateoren hortz luzea
http://www.ikasbil.net/jetspeed/portal/media-type/html/language/eu/cou...
3
Mateoren hortza (2)
http://www.ikasbil.net/jetspeed/portal/media-type/html/language/eu/cou...
4
Mateoren hortza
http://www.ikasbil.net/jetspeed/portal/media-type/html/language/eu/cou...
5
Zazpi duro eta txaketa
http://www.ikasbil.net/jetspeed/portal/media-type/html/language/eu/cou...
6
Ipuina: Autora itzuli eta amona falta
http://www.ikasbil.net/jetspeed/portal/media-type/html/language/eu/cou...

2011-06-09T22:57:00.003+02:00

Hizkuntzaren Erabilera Makurrak Eta Erdarakadak

2011-04-03T23:32:00.000+02:00

2011-03-04T15:27:00.000+01:00

Joanes

2010-12-01T19:12:00.000+01:00

Sjecas

2010-06-01T23:42:00.001+02:00

euskaltube.com bideoak | Izenburua: Sjecas | Erabiltzailea: garagarra

Petronor

2009-12-22T20:03:00.000+01:00

On the road

2009-12-11T09:52:00.000+01:00

Elkartasunaren bideak

2009-12-10T16:12:00.002+01:00

Espainiako inteligentzia zerbitzuak

2009-11-19T15:48:00.002+01:00

Xelebreak dira, gero, Espainiako inteligentzia zerbitzuak.

Alakrana ontziko bahiketaren berri izan dugu eta gezurra eta nahastea ibili da ugari horren inguruan.
Adi bi bideotako informazioari:

1- Bahituta zeuden bitartean.

2- Bahiketa amaitu eta gero.

Silviorena

2009-11-16T22:44:00.002+01:00

Mikel Laboaren omenez

2009-06-17T16:22:00.001+02:00

II

2009-05-25T16:38:00.000+02:00

Pelle erobreren

2009-01-25T16:10:00.001+01:00

Sakrifizioa

2009-01-25T01:26:00.001+01:00

Amarcord

2009-01-24T20:37:00.000+01:00

Cul de sac

2009-01-24T20:34:00.001+01:00

...Bertze batekilan

2009-01-15T14:06:00.005+01:00

1
Amodio ezti eta garbi batez,
Ene bihotza da, zinez berotia.
Bainan zorigaitzez, ari naiz nigarrez,
Zu, ez zirelakotz, izanen enia!

2
Laborari seme, Eskualdun ere.
Zu zintudan maite, bainan joan zare
Frantses batekilan, eni erran gabe.
Ta geroztik beti, bihotza dut trixte.

3
Eni erran zautan, maite ninduela,
Eta nik sinetsi, enetako zela!
Bainan airatu da, bertze batekilan.
Eta ni bakarrik, gelditu herrian...

4
Ait'ama xaharrak, supaster xokoan,
Akituak dira, ta otoitzez ari.
Gure etxaldea, errekarat-koan
Beharko ginuen, bizirik atxiki!

5
Bainan joan zira, bertze batekilan
Hiri ederrean, egonen zirezte.
Ni, kanpaña zolan; ta kabalekilan,
Biziko naiz trixte, uzkur ta herabe...

6
Ez dakit zer egin, ta nola kontsola.
Arrunt hoztia, dut, barneko odola...
Ez bainuen uste, joanen zinela!
Ni bakarrik utziz, etsai bat bezela!!!

Daniel Arberu

Lagunaren heriotza

2009-01-15T10:10:00.002+01:00

Lapurra sartu zaigu gaur etxean
guztion ixilean...
Oso trebea bide da
lapur zital hori,
ez baitu dirurik,
harribitxirik
edo holako ondasun hutsalik
eraman.
Gure altxor preziatuenera
jo du zuzenean
eta artoski gordetzen genuen
adiskide-bilduma tipitik
ale ordezkaezina
ostu digu.

Luigi Anselmi

"Nola Elurretan Beleak" (Pamiela, 2008)

Ama zer duzu nigarrez

2009-01-13T10:03:00.002+01:00

Ama zer duzu nigarrez
Matelak bustirik urez
Ala duzu goiz ihitzez?

Argia hastian
Lilien artian
Zintzabilenian
Baratze aldian.

Oi jeiki zira goixerik
Haur maitia zeren gatik?
Aita ez da jin oraindik

lkusi nahian
Aitatto bidian
Izan niz goizian
Baratze aldian.

Bidia da luze luze
Han bakarrik dabil haize
Amak bihotza du leize

Aita egun guzian
Gudari mendian
Ama dagonian
Baratze aldian.

Eñaut Etxamendi

Tximeleta reggae

2009-01-10T00:44:00.002+01:00

Tximeleta haiek hegal egiten
itsasoaren barren aldera
milaka tximeleta beilegi
uhinen gainetik

Kostaldetik berezi ziren
laino ttiki bat bezalaxe
baporeak atzera utziz
galdu egin ziren

Tximeleta haiek hegal egiten
itsasoaren ixiltasunerantz
ez joan, ez joan, itsaso horretan
pausalekurik ez da.

Ez dago irlarik
ez dago harkaitzik
itsasoan ez dago
ur iluna besterik.

Camping

2009-01-05T22:04:00.002+01:00

piszinara bidean

Argazkiak.org | Camping © cc-by-sa: garagarra

Hamaiketakoa

2009-01-05T00:44:00.001+01:00

Argazkiak.org | ZERBITZARI © cc-by-sa: urkiola

Kopi

2009-01-05T00:43:00.001+01:00

Argazkiak.org | Berlin 10 © cc-by-sa: garagarra

Arturo Vega

2009-01-05T00:35:00.004+01:00

Arturo Vega esaten didate ziegakideek. Gauetan, gorantz begiratu eta atzamarraz marrazten diet izarren bidea. “Horra hor zisnea, eta han, hegoaldean, Antares, Lupuaren konstelazioko izartzarra. Badakizue Antares gure eguzkiaren tokian balego gu beraren barruan egongo ginatekeela?” Seguru errukituta begiratzen didatela, han goian ez baitago izarrik, ziegaren sabai zikina baino. “Hobeto Antares horren barruan bageunde, infernu izoztu honetan baino hobeto egongo ginateke”, esaten diet, baina ez didate erantzuten, badirudi hormak direla nire entzule bakarrak, egiazkoenak. Nire berbak eurak lei kandelak legez geratzen dira airean eskegita, presondegi hau izozmendi baten erraietan eraiki zutela ematen du, hemen pentsamenduak ere hormatzen dira.

Oso urrun geratu da hona sartu ninduten eguna. Batzuetan pentsatzen dut bertan jaio nintzela, nire askazia guztia horma hauen artean hazi dela, kartzela honek ez lukeela zentzurik ni gabe.

Hemengo bizimodua jostorratz baten zulotxoan sartzen da. Egun osoa ziegan ematen dugu, eta eskerrak. Lehen patiora eramaten gintuzten, baina orain laborria eragingo liguke ziegako atea zeharkatu beharrak berak. Gustura gaude infernu honetan, ziega honetako altzari zaharrok. Gu gara beraren bihotza, gugatik mantentzen da zutik, ezpabere zentzurik ezaren monumentu deboilatua izango litzateke, erraldoi ahaztu baten eskeletoa.

Lehen, urtean behin edo, zaintzaile batek atea zabaldu eta bisita genuela esaten zigun. “Zure gurasoak etorri dira”, esaten zidan, bere ahots metalikoaz, bisita gelarantz ninderamala. Eta bertan, aulki banatan jarrita, betiko bikote arrotza. “Zer moduz, seme?, galdetzen zidaten, baina nik banekien haiek ez zirela nire gurasoak. Txotxongiloak baino ez ziren, edo hori sinetsi nahi nuen, euren antigoaleko jantzietan txorimaloturik, erretratu zahar batetik ihes eginak bezala. “Argazkiak ekarri dizkizugu kutxa honetan. Zure jaiotzakoak. Umetakoak. Etxekoenak. Bakarrik sentitzen zarenean, kutxa zabaldu besterik ez daukazu etxera bueltatzeko, seme.” Eta kutxarekin itzultzen nintzen ziegara. Lastairan jarri eta kutxa zabaltzen nuen. Barruan, ezer ez. Hutsa. Ziega kutxa hutsez beteta genuen, horixe zen gure iraganaren historia.

Baina urteak dira ziegako atea azkenengoz zabaldu zenetik. Amaitu ziren kutxa hutsen bisitaldiak. Janaririk ere ez digute ekartzen. Ez dugu behar. Iluntasuna da gure elikadura bakarra, erloju geldituen denbora. Airea bera ere lizunduta dago, leihorik ezean gure birikak elkarren arnasaz puzten dira, ozeanoaren hondoan bizitzea bezalakoa da hau.

Kanpoan ez da ezer entzuten, ezta haizearen negar zorrotza ere. Seguru nago kartzelako zaintzaileak aspaldi joan zirela, ziegako atea bultzatu eta zabaldu egingo litzatekeela, baina zer dago hor kanpoan guretzat? Hain urrun geratzen zaigu atea bera! Arturo bezain urrun. Vega bezain urrun. Guretzat aspaldi desagertu ziren izar horiek guztiak bezain urrun. Eta hala ere, sekula amaitzen ez den gau honetan, lastairatik seinalatzen diet ziegakide ikusezinei izarren bidea, gure noraeza gidatzeko salbabide bakarra balitz bezala, azken baten gure ziega hau kutxa txiki huts bat baino ez da, gurea bezain huts dauden kanpoko kutxa horietako txikiena, ezdeusena, perfektuena.

Bernardo Kapanaga

Itoitzen barna

2008-10-13T23:48:00.003+02:00

Argazkiak.org | Itoiz3 © cc-by-sa: garagarra

Argazkiak.org | Itoiz2 © cc-by-sa: garagarra

Argazkiak.org | Itoiz1 © cc-by-sa: garagarra

Tximinoak

2008-09-21T23:03:00.000+02:00

Tximinoen berri izan dut: inperioaren errege eta jopu.

Buztangorriak

2008-06-09T00:11:00.002+02:00

2008-05-26T10:04:00.000+02:00

Twister
Uploaded by nico-wong

Ogigazta

2008-05-24T11:41:00.005+02:00

Gaur kalean ikusi dut. Baina ez dit begiratu.

Paulino Uzkudun

2008-03-11T20:25:00.001+01:00

Paulinorekin akordatu gara. Denok gara Paulino azken batean. Zer duzu zuk ere hartatik barruan?

Phill Scott-ekin borrokatu baino lehentxoago.

Harry Hills-en kontrako borrokoa,1927 urtean.

Aberri eguna

2008-03-02T22:57:00.004+01:00

Itzala

2008-03-01T19:08:00.002+01:00

“Franquito” hil eta

hogeita hamahiru urtera

(1975-2008)

Nork esan

soldadu huts soilaren

gutxieneko neurrira

sekula helduko ez zen

jeneral ñaño purtzil hark

halako itzal luzea

izango zuenik?

TXORTAN berbaren jatorrixe

2008-02-25T10:42:00.002+01:00

Jaun-andriok, nik aukeratutako berbi "Txortan"
da. Erabiltxen dala? Bai, asko, bañe eñ gitxi! JAJAJA

Ondala gitxi entera na nundik datorren "txortan" berbi. Euskal Herriko arrantzalik, aspaldi, ondala urte asko, aparteko uretan ibiltxen zinin, Terranova ingurun edo Gran Sol aldin, egun askoko marik etxen ben, denpora asko etxetik kanpo. Haurreatxik, han ingurun lurre joten benin (esate bateako Eskozi aldin) popi galdute putetxea bisitxa juti normala zan. Eta denpora gitxi eukelako alde batetik, eta diruaz be ezebizelako franko bestetik, hango emakimunin oferti hauxe zan: "Short Time". Hori gure gixonantzako "txortan" zan (ikustezue kostakuk hizkuntza kontun ilustrauk gazela).

Egixe ra? Beteasaber, ez segurua, bañe
ez esan eztala politxe?

Ibon A.

Edanaren kalteak

2008-02-25T09:35:00.012+01:00

GENTS TANKA

Drunk, I waste ninety
Seconds of life’s brevity
Trying to persuade
The condom vending-machine
To blow hot air on my hands

MOTHER’S MILK. A sequence of poems
W. G. SHEPHERD

(Horditurik, bizi laburraren
Lauretan hogeita hamar segundo
Higatzen ditut Entseiatuz eta
Makina kondoi-saltzaileak
Aire beroa ufa degidan eskuetara)

Borges eta Girondo

2008-02-22T23:46:00.012+01:00

Literaturaren munduan sartuta dagoenari ez zaio ezezagun egingo J.L.Borges-ek ez dituela euskaldunak batere gogoko. Adibide moduan, eta hainbat omen daude, “El Congreso” deritzon ipuin famatuan Fermín Eguren delako pertsonaiari buruzko aipua:
Nunca Fermín Eguren me pudo ver. Ejercía diversas soberbias: la de ser oriental, la de ser criollo, la de atraer a todas las mujeres, la de haber elegido un sastre costoso, y nunca sabré porqué, la de su estirpe vasca, gente que al margen de la historia no ha hecho otra cosa que ordeñar vacas.

Euskaldunenganako ezinkusi hori nondik datorren ez dugu jakin izan oraintsu arte. Iaz Edwin Williamson-ek argitara eman zuen idazle ospetsuaren biografia zabala, Borges. Una vida liburua. Bertan azaltzen du, 26 urte zituela, Norah Lange idazleaz maitemindu zela, ella era inglesa, innumerable y un ángel dio Borgesek, eta Edwin-en esanetan honek esan nahi du inglesa porque reconciliaría los costados extranjero y criollo de su herencia familiar; innumerable porque representaba el Aleph unificador, el número que abarcaba a los demás números; y un ángel porque su fogosa belleza nórdica lo llevaría a ese cenit de ardor whitmaniano que ligaría a su yo y el mundo en un todo apasionado.

Baina hara non Borges-ek bere musa idazleen festa batera eramaten duen Palermo parkera, era vital, apasionado. Y me enamoré de él desde ese día dio Norah-k. Ezezagun hau Oliverio Girondo idazlea da, le gustaba presentarse como un rebelde contra las costumbres mojigatas de la sociedad argentina, pero era hijo de una poderosa familia terrateniente de ascendencia vasca, y a pesar de sus aires bohemios, no le disgustaba la idea de recordarle a la gente su parentesco con los Arenales y los Uriburu, dos de las más ilustres y grandes dinastías criollas. Eta jarraitzen du Edwin-ek: Norah había llegado a la fiesta con Borges pero se fue con Girondo, y ese simple hecho traería una desdicha singular a la vida de Borges. Perder a Norah con otro hombre ya habría sido un desastre considerable, pero perderla con Girondo justamente era una humillación desesperante.

Entzutekoak:
Borges maitasunaz

Girondo nekeaz

Indar kosmikoak

2008-02-21T09:40:00.010+01:00

Ez naiz oraindik ausartu ezer esatera. Sarritan pentsatu dut ez dela oraindik berandu. Aurretik pasatzen denean eta joan doanean irribarre eginda, orduan oihu isil bat ateratzen zait urdailetik:

Stop, geldi bitez munduko erlojuak! Pausa bitez zikoinak habian eta zakurrak zokoan! Aterbera azkar ume, gaizkile, emagaldu eta eroak! Polizia eta jujeak, atzi ezazue emakume hau. Indar kosmikoak asaldatu ditu eta arrisku larria da zuen biziera sosegatuarentzat. Atzi ezazue eta ekardazue... enea da.

(Gaur ere gertatu da. Gero, etxean, Silvio entzun dut.)

Por la calle Vallearanda (II)

2008-02-19T10:45:00.006+01:00

Bi pertsonaia.

BAT. Durangon garai hartan, gu artean sexu jokorako berde ginen hartan, hiru bodegilla zeuden. Denek gordetzen zuten berezko solera, mendeetan lau horma haien barnean ezer ukitu gabe gorde izan balira bezala. Gu, batez ere, Iñakiren bodegillara joaten ginen gazta, piper minak edo sardinak jateko edo ardoa porroitik edaten ikasteko (batzuetan mistela ere eskatzen genuen, inuzenteak gu!). Iñakirenean sartzea club pribatu batean sartzea bezalakoa zen; nola esan… “kretarrak” ziren han biltzen zirenak. Han ezagutu genuen benetako izena jakin ez eta El Tio Paloma deitzen genuena. Hagin bakanak, burusoil txapelgabea, aurpegi iharra eta horien guztien ifrentzuan bizipoz urduria eta hondorainoko malenkonia antzematen zitzaizkion tarteka. Kantuan aritzen zen; guk kantu eragiten genion eta horrela ikasi eta berarekin abesten genuen Por la calle Vallearanda.

BI. Beranduago izan zen. Unibertsitatera joan ginen, beste batzuk fabrikara eta gainerakoak gartzelara joaten ziren bezala. Jon Juaristi azaldu zen egun batean, eta gaztelako ahozko literaturaz eman zigun lezioa. Gaur egun Espainiako eskuinean itzal handia duen polemista ezagunak (“y era algo zascandil”) bi-hiru kantu ekarri zizkigun adibidetzat. Antzinakoak ziren, beste garai batekoak omen, “larrain kantuak”, ezinbestean galdua zen gizarte baten erakusgarri. Eta ez nintzen ezer esatera ausartu baina palentologiakoa zirudien klase hartako kantuetako bat Por la calle Vallearanda zen, Gaztela guztian inork ezagutzen ez bide duena, eta bizirik dela ziurtatu nahi baduzu Durangoko zoko ilunetan bilatu beharko duzuna.

Kubaren berri ETBn

2008-02-16T18:27:00.007+01:00

Txistu y Tamboliñ blogean aurkitu dut hau ere: ETBren kazetari superguayak munduan zehar. Zein interesatua eta bihurria izan daitekeen kazetariaren ikuspegia ulertzen ez dituen gauzei buruz ari denean. Zer kontatzen ari ote zaizkigu nazioarteko kazetari horiek guztiak euren soldata eta irudi publikoa zuritu beharrez.... Mila esker, Luistxo.

Zapoa uretara

2008-02-12T23:08:00.006+01:00

Etxeak eta herriak eraitsi zituzten, jendea egotzi. Guk barre egin dugu gaur, zapoa uretan ikusita, noizean behin poztasunen bat ere ematen digute zapook, Daflonekin senda ezin daitezkeen zain txarren kontsolagarri.

Alvaro Miranda Nafarroako presidenteordeak uretan
amaitu du, Itoitz bisitatzen ari zela.

no time for love

2008-02-12T11:42:00.004+01:00

Franco... gure haurtzaroa izen zen, baina ez dago hain urrun.

Zapo honen berri mundu guztian dute.

Franco, gure haurtzaroa

2008-02-11T10:46:00.009+01:00

Canti della resistenza spagnola diskotik ateratako kantua.

MUERTE EN LA CATEDRAL

El caballero/ cristiano
Fue_a la iglesia/ a comulgar/
Y_un buen cura/ vascongado
empezaba/ a celebrar.
Ya entona_el Credo/ solemne.
Y el coro_empieza/ a cantar.
Olor a_incien/ so_y misterio.
Silencio./ Qué va a pasar.
El sacerdote/ se vuelve.
El “Dominus../ vobiscum” da.
Ya suenan las/ campanillas
que llaman / a comulgar.
El caballero/ cristiano
Se adelanta/ hacia el altar.
Ahora se tra/ ga la hostia
y comienza/ a vacilar.
Al suelo/ se cae redondo.
Reina la/ perplejidad.
Uno de_entre_el/ pueblo grita
parece que/ es general.
Será el que/ yo me imagino.
¡Hostias! Que/ felicidad.
Francisco Franco,/ mi padre,
no sé lo que/ va a pasar,
pero pase/ lo que pase
ya tenemos/ libertad.
Aquí yace/ Paco Franco
de una hostia/ envenená
que le dieron/ en la iglesia
y por cierto muy bien dá (4).

Cha cha cha...

Monologoa

2008-02-07T12:33:00.001+01:00

Joan da gaixoa medikuarenera eta esan dio:
-Arduratuta nago, jauna. Jendeak ez ikusia egiten dit.
Medikua, bere artean pentsakor, atera hurbildu eta oihuka:
-Pasa dadila hurrengoa!

Bloga sortu behar zen, eta sortu dugu. Komunikazio garaian omen gaude eta informazioa hara eta hona dabil; jende guztia elkarri mezu, testu, bideo, audio eta enparauak bidali, elkartrukatu eta abar.

Bloga sortu dugu eta harrotasun puntu bat ere azaldu zaigu pentsaturik eta norbaitek (izaki maitagarriren batek agian) irakurriko zigula eta jaramon egingo zigula. Baina gu ez gara Atxaga. Ez gara Luistxo edo Katixa. Hemen jarraitzen dugu, ikustezin, gure monologoak harilkatzen, inoren arreta piztuko ez dugula gero eta seguruago.

Izterrak

2008-02-01T13:20:00.000+01:00

Nondik gatoz?

2008-01-28T23:17:00.001+01:00

60ko hamarkadan jaio ginenon estigma: gure giza kondizioa gordetzen dugu umetako oroitzapenetan. Errukarriak gu! Gizarte laguntza unibertsalizatu da, eta gu izaki akonplejatu ezdeusak gara oraindik...

Palindromoa

2008-01-27T00:56:00.000+01:00

Hau ere Txistu y Tamboliñ web-gunetik jasoa: inoiz euskaraz idatzi diren palindromorik luzeenak (...ezkerretik eskuinera zein eskuinetik ezkerrera berdin irakur daitezkeen esaldiak)

Nik enara neraman amaren aranekiN

Ia bere kaio itsu bat kalitu mutilak ta busti oiak ere baI

Literatura

2008-01-27T00:44:00.000+01:00

Literatur lan gozagarriak aurkituko dituzue Txistu y Tamboliñ aldizkariaren web-gunean. Hona bizitzaren zentzunari buruzko gogoeta ederra.

Juliarendako berbak

Hik ezin dun atzera egin,
bizitza bultzaka ari zain eta
ulu amaibako bat lez.

Inguratuta aurkituko haiz,
galduta edo bakarrik,
jaio izanaz damutan agian.

Baina oroit ezan beti
behinola zer idatzi nuen.
hi gogoan hindudala
orain haudan bezala.

Ez etsi bide ertzean
hiretako ere izango baitun
jende orok duen hortarik:

Erosiko dun soineko politik
neguko merkealdietan,
izango dun esposatzeko senarra

BBKn kontu korronte bermeduna,
eta lantzean behingo oporraldiak,
noiz Lanzaroten noiz Gouretten.

Eta pare bat haur edder
zein baititun filmatuko
Sony kamera digitalez.

Hortaz, oroit ezan beti
behinola zer idatzi nuen.
hi gogoan hindudala
orain haudan bezala.

Teresa Igeregi

Isuna

2008-01-25T17:27:00.000+01:00

Arrotza norbere herrian?

Euria Bizkaiko kostaldean

2008-01-24T23:03:00.000+01:00

Garagarrak irabazi

2008-01-19T22:04:00.000+01:00

garagarra(k) irabazi, irabaz, irabazten: du, ad.
=rascarse los equinos, tumbados; revolcarse los equinos.

Gurean, Durangon, askotan entzun dudan esapidea da. Astoen ohitura imitatuz, etzunda, ahoz gora eta ezker-eskuin zabutzen diren (umeen, animalien...) jokamolde jostaria adierazteko gehienbat.
"Soiozu, garagarrak irabazten"

Garagarra

2008-01-19T22:00:00.000+01:00

Europako labore zaharrenetakoa da. Buruak itxura anitz izan ditzake, batzuk gariarekin nahas daitezkeenak. Ereiten denetik jaso arte 60 egun besterik ez ditu behar. Artoaren ondoren bazkarako bigarren laborea da. Errusian, AEBetan eta Txinan lantzen da gehien. Garagardoa eta whiskya egiteko erabiltzen da, karbohidratotan aledun aberatsena denez. Baita kafearen ordezko osasungarria den malta egiteko ere. Tibet aldean tsanpa egiten da. Garagar-alea xigortu ondoren lortutako irina da hau, gofioaren baliokidea.

Durangon ere fandango

2008-01-18T00:02:00.001+01:00

Durangoko Txingoia nor den jakin nahi duenarentzat.
Adi belarriak!

Por la calle Vallearanda (I)

2008-01-17T10:05:00.002+01:00

Aramaioko garagar biltzaileak

Ondoan entzun dezakezuna jatorriz Gaztelako segalarien kantu bat zen , "larrain kanta" gisa ezagutzen diren sailekoa. Gaztelako etorkinek ekarri zuten Euskal Herrira. Lehenengo Bilbo ezkerraldera, hango labe handien aipuak agertzen baitira hemengo bertsio berrituan. Gero Durangora iritsi zen, non "ardo kanta" bihurtu baitzen.
Mila esker Txetxe eta Leontziori ahotsa hain modu dotorean jarri diotelako.

PINTAZALEAK

2008-01-16T19:51:00.001+01:00

Bi aragoar aupadaka ari ziren bein, zeinek ardo geiago edan, beste biri apustu egiteko gertu zeudela.

Aupada auek bein ta berriz entzun ta berengana irrimirrika bi andretho atera ziren.

-Gu ere zaletho Yainkoak egin genduen ta tokitan zerate, gizonak.

Zurrut batak, zurrut besteak, amabosna pinta edan zituzten: lauren artean iruetan ogei.

Aragoar bata lurrera erori zenean, bestea berdizka asi zen ibiltzen.

Bi andrethoak, apustua irabazirik, atari-portzekoa eskatu zuten: beste pinta bana.

Edaten ari zirela, galde egin zion batak besteari:

-¿Ongi gaude Kathalin?

-¡Oso polliki!- besteak erantzu zuen.

Ta geroxeago oinen gainean yoan ziren etxera.

R. M. Azkue EUSKALERRIAREN YAKINTZA